Një mesazh kërcënues i publikuar në rrjetet sociale nga grupi “Severna Brigada” ka ngritur shqetësime serioze për sigurinë në Kosovë, pasi në të përmendet drejtpërdrejt kryeministri në detyrë, Albin Kurti.
Në postimin e shpërndarë online, grupi ekstremist ka përdorur gjuhë të rëndë kërcënuese dhe imazhe shqetësuese, duke paralajmëruar sulm ndaj kreut të qeverisë.
Ky grup është përmendur edhe më parë në raste të ndryshme që lidhen me tensionet në veri të Kosovës dhe veprime që synojnë destabilizimin e situatës së sigurisë.
Deri tani nuk ka pasur reagim zyrtar nga institucionet e sigurisë lidhur me rastin, ndërsa pritet që kërcënimet të trajtohen me seriozitet nga organet kompetente.
Ekspertët e sigurisë vazhdimisht kanë paralajmëruar se retorika ekstremiste dhe thirrjet për dhunë paraqesin rrezik për stabilitetin dhe paqen në rajon.