AKSIDENT ME PASOJË FATALE NË TIRANË – Humb jetën një 87-vjeçar
Një aksident tragjik ka ndodhur në kryqëzimin e rrugës “Bardhyl” me rrugën “Kongresi i Manastirit”, ku një i moshuar ka humbur jetën pas përplasjes me një motomjet.
Sipas informacioneve zyrtare, specialistët e qarkullimit rrugor kanë arrestuar shtetasin S. M., 31 vjeç, i cili dyshohet se duke drejtuar motomjetin është përplasur me biçikletën që drejtohej nga shtetasi L. P., 87 vjeç.
Si pasojë e plagëve të marra nga aksidenti, i moshuari nuk ka mundur të mbijetojë dhe ka ndërruar jetë në spital.
Autoritetet bëjnë me dije se grupi hetimor po vijon punën për zbardhjen e plotë të rrethanave të ngjarjes.