IRANI RIHAP HORMUZIN / LËVIZJE E PAPritur PËR ANIJET TREGTARE
Irani ka vendosur të rihapë ngushticën strategjike të Ngushtica e Hormuzit për të gjitha anijet tregtare, një zhvillim i rëndësishëm që vjen në kuadër të armëpushimit të shpallur së fundmi.
Lajmi u konfirmua nga ministri i Jashtëm iranian, Abbas Araghchi, i cili bëri të ditur se vendimi do të jetë në fuqi deri në përfundim të armëpushimit gjatë javës së ardhshme.
Sipas tij, kalimi i lirë përmes kësaj nyje kyçe të tregtisë globale është tashmë i garantuar për të gjitha anijet tregtare, në përputhje me marrëveshjen për uljen e tensioneve në Liban.
“Në përputhje me armëpushimin në Liban, kalimi për të gjitha anijet tregtare përmes Ngushticës së Hormuzit shpallet plotësisht i hapur për periudhën e mbetur të armëpushimit”, deklaroi ai në rrjetin social X.
Ky vendim pritet të ndikojë drejtpërdrejt në tregjet ndërkombëtare dhe në qarkullimin e naftës, duke qenë se Ngushtica e Hormuzit konsiderohet një nga rrugët më të rëndësishme detare në botë.