RAMA JEP LAJM TË MIRË PËR PENSIONISTËT: Rritje graduale çdo vit deri në 2030
Kryeministri Edi Rama ka dhënë një lajm pozitiv për pensionistët, duke theksuar se rritja e pensioneve tashmë është e planifikuar për disa vite me radhë, falë forcimit të ekonomisë.
Sipas tij, rritja e bërë në janar të këtij viti do të vijojë në mënyrë progresive: në janarin e vitit të ardhshëm ajo do të dyfishohet, më pas do të trefishohet në vitin 2028, katërfishohet në 2029 dhe do të arrijë deri në pesëfishim në vitin 2030.
Rama theksoi se këto masa nuk varen nga zhvillimet e momentit, pasi janë të parashikuara në planifikimet afatgjata të qeverisë.
Kreu i qeverisë u ndal edhe te kritikat për korrupsionin, duke argumentuar se rritja e të ardhurave në buxhet dhe mundësia për të rritur pensionet dhe pagat janë tregues se ekonomia është përmirësuar.
Sipas tij, nëse korrupsioni do të ishte rritur, nuk do të kishte as rritje të të ardhurave dhe as hapësirë për politika sociale në favor të qytetarëve.