Lideri Suprem i Iranit, Ajatollah Mojtaba Khamenei, ka urdhëruar që rezervat e uraniumit të pasuruar të mos nxirren jashtë vendit, duke ashpërsuar qëndrimin e Teheranit në negociatat me Shtetet e Bashkuara.
Sipas burimeve të larta iraniane të cituara nga Reuters, vendimi prek drejtpërdrejt një nga kërkesat kryesore të Uashingtonit, i cili kërkon që uraniumi i pasuruar iranian të transferohet jashtë Iranit në kuadër të çdo marrëveshjeje të re bërthamore.
Raporti thekson se rezervat iraniane të uraniumit janë afër nivelit të nevojshëm për prodhimin e armëve bërthamore, çka e bën çështjen edhe më të ndjeshme në negociata.
Sipas zyrtarëve izraelitë, presidenti amerikan Donald Trump i ka garantuar Izraelit se largimi i uraniumit të pasuruar nga Irani do të jetë pjesë e çdo marrëveshjeje të mundshme.
Vendimi i Teheranit pritet të komplikojë përpjekjet diplomatike për uljen e tensioneve mes SHBA-së, Izraelit dhe Iranit, ndërsa programi bërthamor iranian vazhdon të mbetet një nga çështjet më të ndjeshme të sigurisë në Lindjen e Mesme.
Be First to Comment