Një përplasje verbale me tone të forta është regjistruar së fundmi në një qytet të Greqisë, ku një shqiptar me prejardhje arvanitase është përballur me disa persona që mbanin simbole të “Vorio Epirit” gjatë një aktiviteti kulturor.
Burime nga vendngjarja bëjnë me dije se arvanitasi kishte vendosur flamurin kombëtar shqiptar pranë zonës ku po zhvillohej aktiviteti, veprim që ka shkaktuar reagime dhe tensione nga disa pjesëmarrës me qëndrime nacionaliste. Debati verbal mes palëve ka zgjatur disa minuta, ndërsa ai ka refuzuar të largojë flamurin kuqezi.
“Ky flamur është pjesë e identitetit dhe historisë sime”, raportohet të ketë thënë ai gjatë përplasjes.
Ngjarja është komentuar gjerësisht edhe në rrjetet sociale, ku shumë përdorues kanë reaguar në mbështetje të ruajtjes së identitetit dhe traditave arvanitase.
Në vendngjarje kanë ndërhyrë autoritetet lokale për të shmangur përshkallëzimin e situatës. Nuk raportohet për persona të lënduar, ndërsa pamje dhe video nga incidenti po shpërndahen me shpejtësi në internet, duke ndezur diskutime të shumta online.