Një sherr i regjistruar mbrëmjen e kësaj të premteje në lagjen Isa Boletini të Vlorës ka përfunduar me plagosjen e një personi me mjet prerës.
Sipas të dhënave paraprake, konflikti mes disa personave ka shkaktuar lëndimin e njërit prej tyre.
Menjëherë pas njoftimit, në vendin e ngjarjes kanë mbërritur efektivët e policisë, të cilët i kanë ofruar ndihmën e parë të plagosurit deri në mbërritjen e ekipit mjekësor.
Më pas, i lënduari është dërguar në Spitalin Rajonal të Vlorës, ku po merr trajtimin e nevojshëm. Ndërkohë, policia ka nisur hetimet për të sqaruar rrethanat dhe shkaqet e ngjarjes.
Sipas burimeve paraprake, personi i plagosur ndodhet jashtë rrezikut për jetën.