Serbia forcon lobimin në Washington, kompania amerikane raporton kontaktet me zyrtarët
Serbia ka shpenzuar qindra mijëra dollarë për aktivitetet e lobimit në Washington, duke angazhuar kompaninë amerikane Valcour për të promovuar interesat e Beogradit në Shtetet e Bashkuara.
Sipas dokumenteve të dorëzuara në Departamentin e Drejtësisë amerikane, Valcour ka zhvilluar kontakte me zyrtarë të ndryshëm amerikanë gjatë periudhës së angazhimit të saj nga Qeveria e Serbisë. Mes personave të kontaktuar është edhe Richard Grenell, ish-emisari amerikan për dialogun Kosovë-Serbi.
Raportet periodike të kompanisë pasqyrojnë aktivitetet e zhvilluara në Washington, si dhe takimet e kontaktet e realizuara në kuadër të përpjekjeve për të avancuar interesat e Serbisë.
Angazhimi i kompanive të lobimit në kryeqytetin amerikan është një nga mënyrat përmes të cilave qeveritë e huaja synojnë të krijojnë kontakte dhe të promovojnë qëndrimet e tyre pranë institucioneve dhe zyrtarëve amerikanë.