NATO reagon pas tërheqjes së trupave amerikane nga Gjermania
NATO ka deklaruar se mbetet plotësisht e sigurt në kapacitetet e saj për mbrojtje dhe parandalim, edhe pas vendimit të Shtetet e Bashkuara të Amerikës për të tërhequr rreth 5,000 trupa nga Gjermania.
Ky zhvillim ka hapur diskutime të reja brenda aleancës për ndarjen e barrës së sigurisë mes vendeve anëtare. Një zëdhënës i NATO-s bëri të ditur se organizata është në komunikim të vazhdueshëm me Uashingtoni për të kuptuar më mirë arsyet dhe pasojat e këtij vendimi.
Sipas NATO-s, ky ndryshim reflekton nevojën që vendet evropiane të rrisin investimet në mbrojtje dhe të marrin një rol më aktiv në garantimin e sigurisë së përbashkët. Aleanca thekson se tashmë ka progres, pasi vendet anëtare kanë rënë dakord për rritjen e shpenzimeve të mbrojtjes deri në 5% të PBB-së.
“Ne mbetemi të sigurt në aftësinë tonë për të garantuar mbrojtjen dhe parandalimin, ndërsa po ndërtojmë një Evropë më të fortë brenda një NATO-je më të fortë”, u shpreh zëdhënësi.
Deklarata vjen në një moment kur aleanca po përshtatet me ndryshimet në praninë ushtarake amerikane në Evropë dhe me rritjen e përgjegjësive të vendeve evropiane për sigurinë rajonale.
Ndërkohë, ministri i Mbrojtjes i Gjermanisë, Boris Pistorius, e cilësoi vendimin si të pritshëm. Ai theksoi se tërheqja e trupave amerikane nga Evropa, përfshirë Gjermaninë, ishte një zhvillim i parashikueshëm.
Vendimi është konfirmuar nga Pentagoni dhe pritet të zbatohet brenda 6 deri në 12 muajve të ardhshëm, në kuadër të një rishikimi më të gjerë të pranisë ushtarake amerikane në Evropë.
Be First to Comment