Një qytetar ka vendosur të kalojë një mbrëmje të qetë duke darkuar te Pazari i Ri në Tiranë, por ajo që pa i prishi menjëherë oreksin.
Në tavolinën ngjitur, një mace ishte ngjitur mbi karrige dhe po shijonte pa asnjë shqetësim një pjatë me makarona, sikur të ishte klient i zakonshëm. Askush nga stafi apo të pranishmit nuk reagoi.
Pasi e përfundoi vaktin dhe lëpiu pjatën deri në fund, macja u largua qetësisht nga tavolina, sikur asgjë të mos kishte ndodhur.
Momenti që të lë pa fjalë? Vetëm pak çaste më vonë, personeli erdhi dhe mblodhi pjatat.
Pamja e një kafshe që ushqehet në enët e restorantit dhe më pas ato rikthehen në përdorim, ngre pikëpyetje serioze për higjienën.
Po ju, si do të reagonit në një situatë të tillë?
Be First to Comment