Një ngjarje e rëndë është shënuar këtë të mërkurë në fshatin Mollas të Kolonjës, ku një 70-vjeçar ka humbur jetën.
Sipas të dhënave paraprake, i moshuari ndodhej së bashku me djalin dhe disa familjarë të tjerë duke mbledhur qershi. Në momentin që ka zbritur nga pema, ai ka shprehur se nuk ndihej mirë, ndërsa pak çaste më vonë është rrëzuar dhe ka ndërruar jetë.
Burime paraprake bëjnë me dije se 70-vjeçari kishte pasur më herët probleme shëndetësore dhe një ndërhyrje në zemër.
Në vendngjarje kanë mbërritur shërbimet e Policisë, të cilat po kryejnë veprimet hetimore për sqarimin e plotë të rrethanave të ngjarjes. Shkaku i saktë i vdekjes pritet të përcaktohet pas autopsisë dhe ekspertizës mjeko-ligjore.