Agjencia e Mbikëqyrjes Policore (Rajoni Kukës–Dibër) ka zbatuar urdhrin e Prokurorisë pranë Gjykatës së Shkallës së Parë Dibër, duke vendosur masa sigurie ndaj dy punonjësve të policisë të dyshuar për “shpërdorim detyre”.
Masat e caktuara janë “pezullim nga detyra” dhe “ndalim i daljes jashtë shtetit”, në përputhje me nenet 242 dhe 233 të Kodit të Procedurës Penale.
Bëhet fjalë për dy inspektorë policie:
D. S., pjesë e shërbimit të Trafikut Urban dhe Interurban në DVP Dibër
D. S., pjesë e Rendit Publik në Komisariatin e Policisë Bulqizë
Sipas hetimeve, masa ndaj tyre lidhet me një ngjarje të ndodhur më 10 mars 2026 në Bulqizë, ku mbetën të plagosur rëndë tre persona.
Nga veprimet hetimore ka rezultuar se efektivët nuk kanë përmbushur detyrat e tyre funksionale në përputhje me ligjin për Policinë e Shtetit.
Hetimet vijojnë për zbardhjen e plotë të ngjarjes dhe për të verifikuar nëse ka edhe persona të tjerë të përfshirë.