Një ngjarje e rëndë ka tronditur pasditen e sotme zonën e njohur si “Farmacia 10” në Tiranë, ku janë dëgjuar të shtëna me armë zjarri.
Si pasojë, ka mbetur i plagosur Ilirjan Dosti, i cili është transportuar me urgjencë drejt spitalit. Burime bëjnë me dije se ai ndodhet jashtë rrezikut për jetën.
Sipas informacioneve paraprake, autori i dyshuar është fqinj me të plagosurin, ndërsa konflikti mes tyre dyshohet të ketë nisur për motive të dobëta dhe është përshkallëzuar në mënyrë të menjëhershme.
Dyshohet se autori ka qenë nën efektin e alkoolit në momentin e ngjarjes, çka mund të ketë ndikuar në agravimin e situatës dhe përdorimin e armës së zjarrit.
Menjëherë pas incidentit, në vendngjarje kanë mbërritur forcat e Policisë dhe ambulanca, ndërsa vijojnë hetimet për zbardhjen e plotë të rrethanave.
Ngjarja ka shkaktuar panik te banorët e zonës dhe është bërë një nga lajmet më të lexuara të orëve të fundit.