Ngjarje tronditëse në SHBA, nënë arrestohet pas vdekjes së vajzës 14-vjeçare
Një rast i rëndë ka tronditur opinionin publik në Shtetet e Bashkuara, pasi një grua është arrestuar nga autoritetet nën dyshimin se është përfshirë në vdekjen e vajzës së saj adoleshente.
Viktima, vetëm 14 vjeçe, është gjetur pa shenja jete brenda banesës së familjes. Sipas informacioneve paraprake, ishte vetë nëna ajo që telefonoi shërbimet e emergjencës dhe njoftoi për ngjarjen.
Gjatë telefonatës, ajo deklaroi se vajza kishte ndërruar jetë dhe më pas dyshohet se ka pranuar përfshirjen e saj në ngjarje. Ajo ka pretenduar se veprimi i saj ishte bërë me qëllimin për ta mbrojtur të bijën nga një person tjetër, një deklaratë që po hetohet nga autoritetet.
Hetuesit kanë nisur verifikimin e të gjitha detajeve, ndërsa gjatë marrjes në pyetje janë përmendur edhe pretendime të tjera që kanë shtuar pikëpyetjet rreth motivit të ngjarjes.
Në vendngjarje është gjetur edhe një armë, e cila dyshohet se mund të ketë lidhje me rastin. E dyshuara është gjetur e plagosur dhe është dërguar në spital për të marrë trajtim mjekësor.
Autoritetet kanë bërë të ditur se në analizat e saj janë konstatuar edhe disa substanca, ndërsa rezultatet pritet të ndihmojnë në zbardhjen e plotë të rrethanave.
Hetimi vijon për të përcaktuar motivin e saktë dhe përgjegjësinë ligjore të personave të përfshirë në këtë ngjarje të rëndë.
Be First to Comment