Një 50-vjeçar shqiptar është gjetur i pajetë në një stacion treni në Itali, në një ngjarje që ka ngritur shumë pikëpyetje.
Sipas raportimeve, vdekja e tij mbetet ende e paqartë, ndërsa dyshimet shtohen nga fakti se ai ishte liruar nga burgu vetëm pak kohë më parë. Autoritetet italiane nuk përjashtojnë asnjë pistë hetimi, përfshirë edhe mundësinë e një krimi.
Në vendngjarje kanë ndërhyrë menjëherë forcat e policisë dhe ekspertët e policisë shkencore, ndërsa zona është izoluar përkohësisht për të mundësuar hetimet. Ndërkohë, vijojnë verifikimet për të zbardhur plotësisht rrethanat e kësaj ngjarjeje të rëndë.