Një ngjarje e rëndë ka tronditur Istanbul, ku tre persona kanë humbur jetën pas një konflikti të përshkallëzuar në një lokal.
Sipas raportimeve nga mediat turke, dy vëllezër dhe xhaxhai i njërit prej tyre u vranë pas një fjalosjeje me disa persona të tjerë. Mësohet se konflikti kishte nisur për një problem të mëparshëm mes palëve, i cili ka agravuar deri në përdorimin e dhunës fatale.
Menjëherë në vendngjarje kanë mbërritur forcat e policisë, ambulanca dhe shërbimet emergjente. Viktimat janë transportuar me urgjencë në spital, por fatkeqësisht kanë mbërritur pa shenja jete.
Të tre viktimat janë të moshave 28, 29 dhe 34 vjeç.
Autoritetet kanë nisur hetimet për zbardhjen e plotë të rrethanave të kësaj ngjarjeje të rëndë.