Një ngjarje e rëndë ka tronditur Zveçanin, pasi një person është gjetur pa shenja jete brenda një hoteli gjatë paradites së djeshme. Rasti po hetohet nga organet kompetente.
Sipas burimeve, ngjarja ka ndodhur në rrugën “Nemanjina”, në një hotel në qytetin e Zveçanit. Fillimisht është kërkuar ndihma e Emergjencës për një person që dyshohej se kishte humbur jetën.
Ekipi mjekësor ka mbërritur menjëherë në vendin e ngjarjes dhe rreth orës 11:00 është konstatuar vdekja e 61-vjeçarit Hamdi Alia.
Pas konfirmimit të vdekjes, në vendngjarje kanë dalë njësitë policore, hetuesit rajonalë dhe Prokurori i Shtetit, i cili ka urdhëruar hapjen e hetimeve për rastin e cilësuar si “Vdekje e dyshimtë”.
Autoritetet ende nuk kanë dhënë detaje mbi shkaqet e vdekjes, ndërsa hetimet po vazhdojnë për zbardhjen e plotë të ngjarjes.
Trupi i pajetë do t’i nënshtrohet ekzaminimeve mjeko-ligjore për të përcaktuar shkakun e saktë të vdekjes.