Gjykata Speciale ka vendosur të shtyjë edhe për 60 ditë afatin për shpalljen e aktgjykimit në çështjen ndaj Hashim Thaçit, Kadri Veselit, Rexhep Selimit dhe Jakup Krasniqit.
Sipas vendimit të fundit, Trupi Gjykues vlerësoi se procesi kërkon më shumë kohë për shkak të numrit të madh të provave dhe kompleksitetit të çështjes gjyqësore.
Ndërkohë, Gjykata urdhëroi vazhdimin e paraburgimit për Kadri Veselin dhe Jakup Krasniqin.
Kujtojmë se më 5 maj 2026, Trupi Gjykues kishte shtyrë afatin për shpalljen e aktgjykimit deri më 20 korrik 2026.
Nëse do të ketë nevojë për një tjetër shtyrje, Gjykata bëri të ditur se vendimi do të merret në kohën e duhur.