TRONDITJE! “Brikena më ndau nga i fejuari” – Edisa publikon fotot që po shpërthejnë rrjetin!

Debatet e forta të “Big Brother VIP” duket se nuk përfundojnë me daljen nga shtëpia apo me mbylljen e spektaklit. Ato vazhdojnë edhe jashtë, duke u kthyer në përplasje të drejtpërdrejta publike.

Mbrëmjen e djeshme, gjatë emisionit “Fan Club”, u regjistrua një debat i ashpër mes ish-banores Edisa dhe Kejsi Borrit, motrës së Mateos. Shkak u bënë kritikat e vazhdueshme që Edisa ka bërë ndaj Mateos dhe Brikenës, si gjatë qëndrimit në shtëpi, ashtu edhe pas përfundimit të eksperiencës së saj.

Kejsi reagoi menjëherë, duke dalë hapur në mbrojtje të vëllait dhe partneres së tij, çka e tensionoi më tej situatën në studio.

Megjithatë, duket se përplasja nuk ka mbetur vetëm aty. Pas emisionit, Edisa ka vendosur ta çojë situatën në një tjetër nivel, duke reaguar në rrjetet sociale me një deklaratë që ka tërhequr menjëherë vëmendjen.

Ajo ka publikuar një foto të sajën, të shoqëruar me një mbishkrim ironik, ku lë të kuptohet se pas reagimit të Kejsit fshihet një histori personale e vjetër:

“Tani e mora vesh që @kejsiborriii paska inate të vjetra me mua. Chill baby girl, se unë as nuk e dija që ti i qenke vardisur kaq shumë ish-të fejuarit tim 😉”

Deklarata ka ndezur menjëherë rrjetin, duke rikthyer vëmendjen tek raportet mes personazheve dhe duke shtuar pikëpyetje mbi atë që mund të ketë ndodhur jashtë kamerave.