Presidenti i SHBA-së, Donald Trump, ka zhvilluar një takim me ekipin e tij të sigurisë kombëtare për të diskutuar një ofertë të re të ardhur nga Irani lidhur me zgjidhjen e tensioneve mes dy vendeve.
Lajmi u konfirmua nga zëdhënësja e Shtëpisë së Bardhë, Karoline Leavitt, e cila theksoi se nuk mund të japë ende një vlerësim të plotë për propozimin, por nënvizoi se qëndrimet kryesore të Trump mbeten të pandryshuara.
Sipas saj, oferta iraniane përfshin hapjen e Ngushticës së Hormuzit dhe shtyrjen për më vonë të diskutimeve mbi programin bërthamor. Megjithatë, presidenti amerikan kërkon që kjo ngushticë të hapet menjëherë dhe që Irani të dorëzojë rezervat e uraniumit të pasuruar.
“Nuk do të thosha se po shqyrtohet në detaje. Mund të konfirmoj vetëm se pati një diskutim këtë mëngjes, për të cilin nuk dua të jap më shumë detaje tani. Presidenti do të flasë vetë për këtë çështje”, deklaroi Leavitt.