Pensionet rriten me 3 për qind – ja si do të ndryshojë shuma mujore
Pensionet do të rriten me 3 për qind, ndërsa këtë herë rritja nuk do të jetë e njëjtë për të gjithë pensionistët. Shuma shtesë do të llogaritet në bazë të vlerës së pensionit që merr secili.
Drejtori i Fondit për Sigurim Pensional dhe Invalidor, Nikolla Memov, ka konfirmuar se rritja prej 3 për qind do të aplikohet për pensionet e muajit shtator.
Kjo do të thotë se pensionistët me pensione më të larta do të marrin një shtesë më të madhe në vlerë absolute, ndërsa ata me pensione më të ulëta do të përfitojnë një shumë më të vogël.
Shembull:
Nëse një pensionist merr 20.000 denarë, me rritjen prej 3 për qind pensioni do të shtohet me 600 denarë, duke arritur në 20.600 denarë.
Në Fondin për Sigurim Pensional dhe Invalidor kanë nisur përllogaritjet për shumat e reja. Rritja pritet të reflektohet gjatë pagesës së pensioneve në muajin e ardhshëm.
Kjo metodë ndryshon nga rritjet e mëparshme lineare, ku të gjithë pensionistët përfitonin të njëjtën shumë shtesë. Gjatë dy viteve të fundit, pensionet janë rritur në mënyrë lineare në katër raste, me një rritje totale prej 7.000 denarësh.
Shuma që do të shtohet në pensionin tuaj varet nga vlera aktuale e pensionit që merrni.