Një tërmet është regjistruar sot në zonën e Prespës, duke shkaktuar lëkundje të ndjeshme në disa pjesë të jugperëndimit të Maqedonisë së Veriut.
Sipas të dhënave të Observatorit Sizmologjik pranë Fakultetit të Shkencave Matematiko-Natyrore në Shkup, tërmeti është regjistruar në orën 14:04, me epiqendër rreth 127 kilometra në jugperëndim të Shkupit.
Lëkundja ka pasur magnitudë lokale ML 3.3 sipas shkallës Rihter. Ajo është ndier veçanërisht në Manastir (Bitolë) dhe zonat përreth, ku intensiteti është vlerësuar në nivelin III–IV sipas Shkallës Makrosizmike Evropiane.