Lisi u godit nga rrufeja, por ajo që u gjet brenda trungut i la të gjithë pa fjalë
Një ngjarje e pazakontë raportohet nga Serbia, ku një pemë mbi 100-vjeçare ka fshehur një surprizë që askush nuk e priste.
Sipas mediave rajonale, ngjarja ka ndodhur në Arangjellovac, ku një lis i vjetër në pronësi të familjes Mitrović u godit nga rrufeja gjatë një stuhie dhe më pas u rrëzua.
Pas dëmtimit të pemës, pronari Marko Mitrović vendosi të pastronte terrenin dhe nisi të priste trungun. Por gjatë punës, ai vuri re diçka të pazakontë pranë rrënjëve.
Kur hoqi dheun, ai zbuloi një qyp të fshehur brenda tokës. Sipas rrëfimit të tij për një portal lokal, brenda qypit ndodheshin monedha ari.
Familja i numëroi monedhat dhe, sipas raportimeve, bëhej fjalë për më shumë se 2 mijë dukate, me një vlerë të pretenduar prej rreth 300 mijë eurosh.
Si kishin përfunduar monedhat aty dhe kush i kishte fshehur, mbetet e paqartë. Zbulimi ka ngjallur kuriozitet të madh, ndërsa historia vazhdon të qarkullojë si një nga ato raste që duken të pabesueshme.
Një lis i goditur nga rrufeja dhe një thesar i fshehur pranë rrënjëve – një kombinim që vështirë të imagjinohej më parë.