Ora verore nis nesër – akrepat lëvizin 1 orë përpara ⏰🌞
Ky ndryshim sjell edhe zgjatjen e orëve me dritë natyrore gjatë ditës dhe më pak orë në errësirë.
Nesër rikthehet ora verore, ku akrepat zhvendosen 60 minuta përpara. E diela e fundit e muajit mars shënon kalimin në orën verore, moment kur ora kalon një orë përpara. Ndryshimi ndodh në orën 02:00 të mëngjesit të 29 marsit, kur ora kalon menjëherë në 03:00.
Ky rregull është në fuqi në të gjithë Evropën që nga viti 1981, ku është vendosur që në pranverë akrepat të lëvizin 60 minuta përpara dhe në vjeshtë të kthehen një orë pas.
Sipas normave evropiane, këto ndryshime bëhen në mënyrë të rregullt: të dielën e fundit të marsit për orën verore dhe të dielën e fundit të tetorit për orën dimërore. Qëllimi i këtij ndryshimi është kursimi i energjisë elektrike dhe shfrytëzimi më i madh i dritës natyrore, duke përshtatur më mirë aktivitetet e përditshme me ritmin e diellit.