Një zbulim i pazakontë ka shkaktuar bujë në Mbretëria e Bashkuar, pasi një grup eksploruesish urbanë kanë hyrë në vilën e braktisur të Rolf Harris dhe kanë hasur objekte shqetësuese në bodrum.
Shtëpia, e cila dikur vlerësohej mbi 4 milionë paund, ndodhet pranë lumit Tamiz dhe sot është në gjendje të rënduar. Pavarësisht çmimit të ulur, ajo nuk ka arritur të shitet as në ankand, madje as për më pak se gjysma e vlerës së saj fillestare.
Gjatë eksplorimit, një YouTuber i njohur si “Bearded Explorer” zbuloi një formë të çuditshme në bodrum, e cila më pas rezultoi të ishte një kallëp i kokës së bashkëshortes së artistit. Ky zbulim ka ngjallur reagime të shumta në rrjetet sociale.
Pamjet e publikuara dhe reagimi i tij janë shpërndarë me shpejtësi, ndërsa shumë përdorues i kanë cilësuar si të frikshme dhe të pazakonta.
Sipas raportimeve, prona mbart një histori të rëndë, pasi aty dyshohet se janë kryer edhe disa nga krimet për të cilat Harris u dënua vite më parë.
E kaluara e errët e kësaj vile ka ndikuar drejtpërdrejt në vlerën e saj në treg, duke bërë që blerësit të hezitojnë, pavarësisht çmimit të ulët.
Ekspertët e pasurive të paluajtshme theksojnë se stigma e lidhur me historinë e pronës mbetet arsyeja kryesore pse ajo nuk po arrin të gjejë një blerës.