Përfituesit do të marrin një shumë të pjesshme nga bonusi, në mënyrë që të mos tejkalojnë tavanin prej 40 mijë lekësh, një praktikë që do të zbatohet edhe për kategoritë e tjera me kufij të ngjashëm.
Në skemë do të përfshihen edhe qytetarët që dalin në pension gjatë këtij viti, me kusht që të respektojnë limitet e përcaktuara në vendim.
Pak ditë më parë, Edi Rama deklaroi se pensionet do të rriten në mënyrë progresive çdo vit, me synimin për t’u trefishuar deri në vitin 2028 dhe për t’u katërfishuar në vitin 2029.
Sipas tij, procesi i rritjes ka nisur dhe do të vijojë çdo fillim viti me ritme në rritje. Kjo do të thotë se nëse pensioni rritet me një vlerë të caktuar këtë vit, vitin pasardhës rritja do të jetë dyfish, në vitin 2028 trefish dhe në vitin 2029 katërfish, duke synuar arritjen e objektivave të vendosura për përmirësimin e të ardhurave të pensionistëve.