Një ngjarje e rëndë është shënuar pasditen e kësaj të premte në zonën e Niklës, në Fushë-Krujë.
Sipas informacioneve paraprake, një person ka qëlluar për vdekje me armë zjarri kunatin e tij. Autori i dyshuar është identifikuar si Eduart Afmataj, ndërsa viktima është Artur Çangu.
Dyshohet se krimi ka ndodhur pas një konflikti mes tyre, i cili ka përshkallëzuar deri në përdorimin e armës. Deri më tani nuk ka të dhëna për persona të tjerë të lënduar, ndërsa rrethanat e plota të ngjarjes mbeten ende të paqarta.
Mësohet se vetë autori ka njoftuar policinë për krimin. Forcat e policisë kanë mbërritur menjëherë në vendngjarje dhe kanë nisur hetimet për zbardhjen e plotë të rastit.
Be First to Comment