Një video që po qarkullon së fundmi në rrjetet sociale ka ndezur debat të madh mes ndjekësve të “Big Brother VIP Albania”.
Në fokus është Brikena, e cila shfaqet nga kamerat e shtëpisë pranë dollapit ku Selin mban sendet personale. Në pamje, ajo duket duke kërkuar nëpër sirtarë me kujdes, ndërsa në një moment krijohet përshtypja se mund të ketë marrë diçka, megjithëse nuk është e qartë çfarë.
Kjo situatë ka ngritur shumë pikëpyetje dhe ka sjellë reagime të shumta nga publiku, me komente të ndryshme dhe dyshime mbi veprimin e saj.
Videoja është bërë virale dhe ka ndikuar dukshëm edhe në qëndrimin e fansave. Shumë prej tyre kanë ndryshuar votën, duke ndikuar në rrjedhën e garës, ku Brikena mbeti jashtë finales, ndërsa Rogerti siguroi një vend në finalen e madhe.
Megjithatë, mbetet e paqartë se çfarë ka ndodhur saktësisht në atë moment, ndërsa diskutimet në rrjet vazhdojnë.