Një aksident i rëndë me pasoja tragjike është regjistruar sot në Itali, duke lënë pas tre viktima dhe një person të plagosur rëndë.
Sipas mediave vendase, ngjarja ka ndodhur pak para orës 06:00 të mëngjesit në Via Emilia Ovest, në periferi të Modenës. Në aksident janë përfshirë një kamion që transportonte qumësht dhe një automjet, të cilat pas përplasjes kanë dalë jashtë rruge.
Ekipet e emergjencës kanë ndërhyrë menjëherë në vendngjarje për të nxjerrë katër personat e bllokuar në mjet. Pavarësisht përpjekjeve të shpëtimit, tre prej tyre nuk arritën të mbijetojnë, ndërsa personi i katërt u nxor i gjallë, por në gjendje të rëndë dhe u transportua me urgjencë në spital.
Autoritetet po punojnë për të zbardhur shkaqet e aksidentit, ndërsa ngjarja ka tronditur komunitetin lokal.
Be First to Comment