DEKLARATË QË PO “ZJARRON” RRJETIN! Nga Iran vjen një reagim i papritur për Itali, që ka shkaktuar stuhi reagimesh dhe po komentohet kudo online.
“Përse duhet ta godasim Italinë? Ne e duam popullin italian, futbollin, ushqimin… duam Romën, Koloseun, Milanon, Napolin dhe gjithçka mes tyre”, thuhet në reagimin që ka habitur publikun dhe analistët.
Kjo deklaratë vjen si kundërpërgjigje ndaj komenteve të forta të Donald Trump, i cili në një intervistë për Corriere della Sera pretendoi se Irani zotëron armë që mund të godasin Italinë “brenda dy minutash”.
Reagimi iranian, i publikuar përmes ambasadës në Tajlandë në platformën X, thekson admirimin për Italinë, por sipas mediave italiane, pas këtij mesazhi mund të fshihet një strategji më e thellë politike.
Analistët sugjerojnë se Iran mund të synojë të krijojë përçarje brenda Bashkimi Europian, në një moment kur tensionet dhe pasiguritë janë të larta.
Ndërkohë, përplasjet janë thelluar edhe mes Donald Trump dhe kryeministres italiane Giorgia Meloni. Trump e ka kritikuar ashpër për qëndrimin e saj ndaj konfliktit me Iranin, duke thënë: “Mendova se kishte guxim, por gabohesha”.
Këto zhvillime kanë ndezur debat të fortë në arenën ndërkombëtare dhe në rrjetet sociale, ku shumë e shohin këtë si një përshkallëzim të ri të tensioneve globale.