TRONDITËSE në Honduras! Influencerja 20-vjeçare gjendet e vrarë, i dashuri pranon krimin dhe bën deklaratën shokuese
Një ngjarje makabre ka tronditur opinionin publik në Honduras, ku një influencere e re është gjetur e vrarë në rrethana brutale.
Katerin Mejía Argueta, vetëm 20 vjeçe, e njohur në rrjetet sociale si “Katy Mazorca”, u gjet e pajetë në një zonë të izoluar, pranë një plantacioni. Ajo kishte plagë të rënda në qafë, ndërsa ishte raportuar e zhdukur nga familjarët vetëm një ditë më parë.
Sipas autoriteteve, tre persona kanë rënë në pranga në lidhje me këtë krim të rëndë, mes tyre edhe i dashuri i viktimës. Ky i fundit ka pranuar përfshirjen, duke bërë një deklaratë tronditëse: ai pretendon se u detyrua të kryente vrasjen nga një grup kriminal që i kishte kërcënuar jetën.
Ndërkohë, hetimet vijojnë intensivisht, pasi policia po ndjek disa pista për të zbardhur plotësisht ngjarjen dhe për të identifikuar të gjithë personat e përfshirë në këtë krim që ka shokuar publikun.