Një histori që duket si film, por është krejt reale. Dasma që pritej të kurorëzonte dashurinë e një çifti përfundoi në mënyrën më të dhimbshme të mundshme.
Selamiu mori vendimin drastik të mos martohej në momentin e fundit, duke e lënë nusen me fustan të bardhë. Menjëherë pas kësaj, ai i dërgoi një mesazh për ta takuar në Tiranë, ku i zbuloi të vërtetën tronditëse që e detyroi të ndërpriste gjithçka.
Sipas tij, vajza nuk kishte asnjë dijeni për problemin që rëndonte mbi biografinë e saj – një çështje e rëndë e kohës, që nuk mund të zgjidhej. Edhe pse ajo nuk pranoi ndarjen, rrethanat i detyruan të ndanin rrugët.
Në rubrikën “Ka një mesazh për ty” në “E Diela Shqiptare”, Selamiu e përshkroi këtë si momentin më të vështirë të jetës së tij. Ai kërkoi falje publikisht, duke theksuar se as ai dhe as vajza nuk kishin faj – ishte thjesht një fatkeqësi e kohës.
E vërteta e plotë u zbulua vetëm vite më vonë: një person i lidhur largësisht me familjen e vajzës ishte i përfshirë në aktivitet agjenturor, çka e bëri të pamundur vazhdimin e martesës.
Pas gjithë këtyre viteve, Selamiu e kujton ende me dhimbje atë ditë, ndërsa sot ai shpreh mirënjohje për bashkëshorten e tij, duke zgjedhur të mos hapë plagë të vjetra për vajzën që dikur la në altar.