TRONDITET LEZHA – Atentat i dyfishtë në Balldre, humbin jetën 39-vjeçari dhe bashkëshortja e tij
Një ngjarje e rëndë ka tronditur sot zonën e Balldres në Lezhë, ku 39-vjeçari Kreshnik Mujeci dhe bashkëshortja e tij mbetën viktima të një atentati.
Mujeci njihej si një nga mbështetësit më aktivë të banorëve të Rrjollit, të cilët prej muajsh kundërshtojnë ndërtimin e një resorti në tokat e tyre, duke pretenduar se po u merren padrejtësisht.
Ndërkohë, në rrjetet sociale po qarkullon një video e fortë, ku Mujeci u bën thirrje qytetarëve të bashkohen në protestë në mbrojtje të tokave. Ai shfaqet i vendosur, duke apeluar për rezistencë dhe unitet.
“Amanet o gjaku i shqiptarit, mos t’i lëmë këta të luajnë me tokat tona. Mbani mend çfarë po ju thotë malësori i Kelmendit”, dëgjohet të thotë ai në video.
Ngjarja ka shkaktuar reagime të shumta, ndërsa priten më shumë detaje nga autoritetet për rrethanat dhe autorët e atentatit.