Një aksident i rëndë rrugor është regjistruar këtë të diel në Turqi, ku një autobus pasagjerësh është përmbysur në aksin Malatya–Adıyaman.
Ngjarja ka ndodhur në zonën Doğanşehir-Sürgü, një segment i njohur për kthesat e vështira dhe rrezikshmërinë e lartë. Sipas të dhënave paraprake, të paktën katër persona kanë humbur jetën, ndërsa rreth 15 të tjerë kanë mbetur të plagosur.
Menjëherë pas aksidentit, në vendngjarje kanë mbërritur ekipet e emergjencës dhe autoritetet përkatëse, të cilat po punojnë për zbardhjen e plotë të rrethanave. Ndërkohë, raportohet se disa nga të plagosurit ndodhen në gjendje të rëndë.
