Një anije e Koresë së Jugut është përfshirë nga flakët në Ngushticën e Hormuzit, një nga rrugët më strategjike detare në botë për transportin e naftës dhe tregtinë ndërkombëtare.
Sipas Ministrisë së Jashtme të Koresë së Jugut, incidenti ka ndodhur rreth orës 20:40 me orën lokale të Seulit, teksa anija ndodhej pranë ujërave të Emirateve të Bashkuara Arabe.
Autoritetet bëjnë me dije se në bordin e anijes, e operuar nga një kompani koreano-jugore, ka ndodhur një shpërthim i ndjekur nga zjarr, ndërkohë që mjeti lundrues ishte i ndaluar në zonë.
Fatmirësisht, deri më tani nuk raportohet për viktima.
Dyshimet e para flasin për një sulm të mundshëm, megjithatë shkaku i saktë i shpërthimit mbetet ende i paqartë dhe nën hetim.
Ndërkohë, ekipet përkatëse po punojnë për vlerësimin e dëmeve dhe zbardhjen e plotë të rrethanave të ngjarjes.
Ministria e Jashtme në Seul ka konfirmuar se po e ndjek nga afër situatën, në bashkëpunim me autoritetet lokale në rajon.