Një lajm i bukur vjen nga qeveria shqiptare, pasi Ministrja e Administratës Publike dhe Antikorrupsionit, Adea Pirdeni, është bërë nënë për herë të parë. Ministrja ka sjellë në jetë një djalë, duke përjetuar një nga momentet më emocionuese në jetën e saj personale.
Gjatë seancës së fundit parlamentare, kolegët dhe bashkëpunëtorët e uruan për ardhjen në jetë të vogëlushit, ndërsa nuk munguan as lulet dhe mesazhet e ngrohta për familjen e saj.
Adea Pirdeni konsiderohet një nga figurat më premtuese të kabinetit qeveritar, me një rol të rëndësishëm në proceset që lidhen me integrimin europian dhe reformat në administratë e drejtësi.
E lindur në Tiranë në vitin 1983, ajo ka përfunduar studimet për drejtësi në Universitetin e Tiranës dhe më pas ka vijuar specializimet në Universitetin e Oksfordit. Gjithashtu mban titullin “Doktor në Shkencat Juridike” dhe prej vitesh është e angazhuar si pedagoge në Fakultetin e Drejtësisë.
Karriera e saj përfshin edhe angazhime në proceset e reformës në drejtësi dhe integrimit europian, ndërsa që nga viti 2020 ka mbajtur poste të rëndësishme në institucionet shtetërore.
Urime për ministren dhe familjen e saj për këtë moment të veçantë! 👶❤️
Be First to Comment