VLORA pa ujë të pijshëm! Defekt i rëndë në rrjet, qyteti përballet sërish me krizën
Një tjetër problem serioz ka goditur qytetin e Vlorës, pasi mijëra banorë kanë mbetur pa furnizim me ujë të pijshëm për shkak të një avarie të rëndë në tubacionin kryesor të ujësjellësit, pranë zonës “Miramare”.
Ujësjellës Kanalizime Rajoni Vlorë njoftoi se janë stakuar të gjitha stacionet e ujësjellësit, ndërsa ekipet teknike ndodhen në terren dhe po punojnë pa ndërprerje për riparimin e defektit sa më shpejt.
Situata ka rikthyer shqetësimin te qytetarët, pasi kujtohet se edhe në muajin dhjetor Vlora kaloi disa ditë të vështira pa ujë, duke prekur mijëra familje dhe biznese në të gjithë qytetin.