Ministri në detyrë i Financave, Punës dhe Transfereve, Hekuran Murati, ka bërë të ditur se është hapur aplikimi për subvencionimin e punëtorëve të sektorit jo-publik, në kuadër të masave mbështetëse të Qeverisë së Kosovës.
Sipas njoftimit, aplikimi mund të realizohet online përmes platformës së Administratës Tatimore të Kosovës (ATK).
Aplikimi bëhet në këtë adresë: platforma e subvencionimit – https://apps.atk-ks.org/Subvencionim?fbclid=IwVERDUASFNDJleHRuA2FlbQIxMQBzcnRjBmFwcF9wZAo2NjI4NTY4Mzc5AAEehLlBbcBiqWIFvt4wJ0RJOg0Lx4rR_DlkiFZZL9SXgvVemCRrsIItMS9DoTg_aem_L0lhjzYkon0DM-nxISlOgg
Murati ka theksuar se secili i punësuar duhet të aplikojë individualisht dhe të sigurohet që të dhënat e plotësuara janë të sakta, pasi aplikimet me gabime do të refuzohen. Gjithashtu, llogaria bankare duhet të jetë patjetër në emër të përfituesit.
Afati i aplikimit është deri më 5 qershor 2026.
Sipas kritereve të publikuara, të drejtë aplikimi kanë punëtorët e sektorit privat, punëtorët në organizata joqeveritare (OJQ), si dhe të punësuarit në entitete publike që nuk paguhen nga buxheti i shtetit, përfshirë ndërmarrjet publike dhe RTK-në.
Për të përfituar nga subvencionimi, aplikuesit duhet të kenë të ardhura mujore bruto deri në 1,000 euro dhe të jenë të deklaruar në ATK nga punëdhënësi përmes deklarimit të muajit prill, i dorëzuar deri më 15 maj.