Spiropali: Shqipërisë i duhet një “marrëveshje e re”, shteti mbi pushtetin
Deputetja e Partisë Socialiste, Elisa Spiropali, ka reaguar lidhur me protestat që po zhvillohen për çështjen e Zvërnecit, duke theksuar nevojën për një qasje të re politike dhe institucionale në vend.
Në një reagim në rrjetet sociale, Spiropali është shprehur se Shqipëria ndodhet në një fazë të re zhvillimi, ku sfidat kryesore lidhen me forcimin e institucioneve dhe balancimin e pushtetit.
“Çka duhet bërë sot është një marrëveshje e re për Shqipërinë. Çdo epokë ka pyetjen e vet themelore. Për shumë vite pyetja ka qenë si të ndërtojmë shtetin. Sot pyetja është tjetër: si ta bëjmë shtetin më të madh se pushteti dhe institucionet më të forta se ata që e ushtrojnë atë”, shkruan Spiropali.
Sipas saj, vendi ndodhet në një fazë të re historike, ku prioritet nuk është më vetëm ndërtimi i shtetit, por forcimi i kontrollit institucional dhe kufizimi i abuzimit me pushtetin.
Deklaratat e saj vijnë në një kohë kur debati publik për projektin në Zvërnec ka nxitur reagime të shumta politike dhe qytetare.
https://www.facebook.com/share/p/18yqMgDcoB/