Këtë të mërkurë, në ambientet e Gjykatës së Posaçme kundër Korrupsionit dhe Krimit të Organizuar (GJKKO), po zhvillohet seanca gjyqësore ndaj kryebashkiakut të Tiranës, Erion Veliaj.
Në sallën e gjyqit është paraqitur avokati mbrojtës, Plarent Ndreca, ndërsa Veliaj ka depozituar një deklaratë ku shpreh vullnetin për t’u përfaqësuar nga mbrojtësi i tij ligjor. Nga ana e Prokurorisë është i pranishëm prokurori Ols Dado, ndërsa mungon kreu i SPAK, Altin Dumani.
Burime nga seanca bëjnë me dije se fillimisht ishte parashikuar që mediat të lejoheshin për disa minuta në sallë, për të filmuar nisjen e procesit. Megjithatë, trupa gjykuese vendosi të mos pranojë kërkesat për transmetim të drejtpërdrejtë të seancës.
Procesi gjyqësor vijon me shqyrtimin e çështjes, ndërsa priten zhvillime dhe vendime të tjera gjatë seancës.
Be First to Comment