Këngëtari Arkimed Lushaj, i njohur me emrin artistik Stresi, së bashku me babanë e tij, Sali Lushaj, morën pjesë sot në një protestë qytetare, duke tërhequr vëmendjen e mediave dhe të pranishmëve.
Sali Lushaj, i njohur edhe për angazhimin e tij të mëparshëm si truprojë e ish-kryeministrit Sali Berisha, shoqëroi të birin gjatë aktivitetit publik. Sipas raportimeve, gjatë protestës u tentua të shfaqej mbështetje për Partinë Demokratike, gjë që u prit me reagime nga disa prej qytetarëve të pranishëm.
Stresi është zgjedhur së fundmi anëtar i Këshillit Kombëtar të Partisë Demokratike, një fakt që ka shtuar vëmendjen rreth pjesëmarrjes së tij në këtë ngjarje.
Gjatë protestës, disa qytetarë shprehën kundërshtime me thirrje si “Rama në burg, Berisha në burg”, duke reflektuar qëndrime të ndryshme politike mes pjesëmarrësve. Ngjarja ka sjellë reagime të ndryshme në media dhe në rrjetet sociale.