Këto janë 4 pajisjet që nuk duhet t’i lidhni kurrë me një prizë zgjatuese treshe, pasi mund të rrisin rrezikun e zjarrit në shtëpi.
1. Stufa elektrike
Stufa është një nga pajisjet që konsumon më shumë energji elektrike. Lidhja e saj me një prizë zgjatuese treshe mund të shkaktojë mbinxehje të instalimit elektrik, duke rritur rrezikun e dëmtimit të prizës apo edhe të zjarrit.
2. Frigoriferi
Edhe pse frigoriferi nuk është pajisja që harxhon më shumë energji, ai funksionon vazhdimisht. Kur lidhet me një prizë zgjatuese treshe, kjo e fundit mund të mbinxehet me kalimin e kohës, duke krijuar rrezik për defekte elektrike dhe zjarr.
3. Lavatriçja
Makina larëse ka nevojë për fuqi të konsiderueshme elektrike gjatë funksionimit. Për këtë arsye, ekspertët rekomandojnë që ajo të lidhet direkt në një prizë muri dhe jo në një zgjatuese treshe, pasi kjo mund të rrisë rrezikun e mbinxehjes dhe të zjarrit.
4. Ngrohësja elektrike
Ngrohëset elektrike janë ndër pajisjet më të fuqishme që përdoren në shtëpi gjatë dimrit. Lidhja e tyre me një prizë zgjatuese treshe mund të shkaktojë mbinxehje brenda pak minutash, duke e bërë situatën potencialisht të rrezikshme për sigurinë e banesës.
Për të shmangur aksidentet dhe dëmtimet e mundshme, këto pajisje duhet të lidhen gjithmonë direkt në prizat e murit dhe të përdoren sipas udhëzimeve të sigurisë elektrike.