Një grup në Facebook me mijëra anëtarë shqiptarë që jetojnë në diasporë ka publikuar një thirrje për pjesëmarrje në protestën e paralajmëruar për datën 4 korrik në Tiranë.
Në mesazhin e shpërndarë në rrjetet sociale, organizatorët dhe mbështetësit e protestës shprehen se presin një pjesëmarrje të madhe të qytetarëve. Në postim thuhet se synimi është që protesta të mbledhë sa më shumë njerëz, duke përdorur edhe shprehjen se “nuk do të ketë vend bosh nga Zogu i Zi deri te Kryeministria”.
Postimi është përhapur me shpejtësi në rrjetet sociale dhe ka nxitur reagime të shumta. Disa përdorues kanë shprehur mbështetjen e tyre për protestën, ndërsa të tjerë kanë bërë të ditur se planifikojnë të udhëtojnë nga vendet ku jetojnë për të marrë pjesë në tubim.
Sipas mesazheve të publikuara në grup, qëllimi është organizimi i një proteste me pjesëmarrje sa më të gjerë, ndërsa në ditët në vijim pritet të bëhen publike detaje të tjera lidhur me organizimin dhe zhvillimin e saj.
Be First to Comment