Trump: Ngushtica e Hormuzit do të mbetet e hapur, SHBA kërkon tarifë 20% për sigurinë e transportit
Presidenti amerikan Donald Trump deklaroi se Ngushtica e Hormuzit do të vijojë të jetë e hapur për trafikun ndërkombëtar, duke theksuar se SHBA-ja do të marrë rolin e garantuesit të sigurisë në këtë zonë strategjike.
Në një postim në rrjetin e tij Truth Social, Trump tha se do të rikthehet një “bllokadë iraniane”, e cila sipas tij do të prekë vetëm anijet iraniane ose ato që lidhen me Iranin, ndërsa vendet e tjera do të kenë akses të lirë në ngushticë.
Ai gjithashtu njoftoi se Shtetet e Bashkuara do t’u vendosin transportuesve komercialë një tarifë prej 20% të vlerës së ngarkesave të tyre, si kompensim për kostot e sigurimit dhe mbrojtjes së kësaj rruge të rëndësishme detare.
Trump tha se SHBA-ja do të njihet si “kujdestarja e Ngushticës së Hormuzit” dhe se pagesat do të shërbejnë për të mbuluar shpenzimet e nevojshme për garantimin e sigurisë në një nga zonat më të tensionuara të botës.
Be First to Comment