Albulena Haxhiu ka komentuar deklaratën e deputetes së LDK-së, Hykmete Bajrami, e cila është shprehur se do ta votonte një kandidat për president nëse ai do të vinte nga radhët e LDK-së.
Haxhiu e ka cilësuar këtë qëndrim si të gabuar, duke theksuar se presidenti i ardhshëm, sipas saj, duhet të jetë një figurë që nuk i përket asnjë partie politike.
Megjithatë, gjatë diskutimit për mundësinë e kandidimit të figurave partiake, Haxhiu ka përmendur edhe emrin e kryetarit të Kuvendit, Glauk Konjufca.
“Ne, nëse flasim për emra partiakë, e kemi Glauk Konjufcën”, ka deklaruar Haxhiu.
Me këtë deklaratë, emri i Konjufcës është futur edhe në diskutimet politike rreth kandidaturave të mundshme për presidentin e ardhshëm.