Ambasada e SHBA-së në Bejrut ka lëshuar një alarm sigurie, duke u bërë thirrje qytetarëve amerikanë të largohen nga Libani “sa kohë që fluturimet komerciale janë ende të disponueshme”.
Në njoftim, ambasada këshillon shtetasit amerikanë që zgjedhin të qëndrojnë në vend të përgatisin plane emergjente për situata të mundshme krize, duke theksuar se “mjedisi i sigurisë është kompleks dhe mund të ndryshojë shpejt”.
Gjithashtu, qytetarët paralajmërohen të shmangin zonat ku ka pasur aktivitet ushtarak, për shkak të rrezikut nga municione të pashpërthyera.
Ambasada thekson se në të gjithë Libanin vazhdojnë të ekzistojnë rreziqe të terrorizmit dhe rrëmbimeve, dhe se edhe vendet e frekuentuara nga amerikanët dhe turistët mund të bëhen objekt sulmesh.
Ndërkohë, javën e kaluar u njoftua një armëpushim 10-ditor midis Izraelit dhe Libanit, i cili hyri në fuqi pas një periudhe përshkallëzimi të dhunshëm mes Izraelit dhe Hezbollahut të mbështetur nga Irani.
Be First to Comment