Askush s’e priste! Rama zbulon projektin e ri që do të hapet në Shqipëri

Rama në inaugurimin e Shkollës Kombëtare të Fluturimit: “Një hap i ri për Forcat e Armatosura”

Shkolla Kombëtare e Fluturimit ka nisur zyrtarisht aktivitetin e saj me një ceremoni të zhvilluar në Bazën Ajrore të Rinasit, ku i pranishëm ishte edhe kryeministri Edi Rama.

Në fjalën e tij, Rama e cilësoi hapjen e kësaj shkolle si një moment të rëndësishëm për zhvillimin e Forcave të Armatosura, duke theksuar se ushtria shqiptare ka pësuar një transformim të ndjeshëm gjatë viteve të fundit.

Sipas kryeministrit, sot Forcat e Armatosura shqiptare janë ndër më të mirëpaguarat në rajon, ndërsa objektivi i qeverisë është që standardet e tyre të afrohen me mesataren e vendeve të NATO-s edhe për sa i përket mbështetjes financiare për personelin ushtarak.

Rama bëri me dije se Shkolla Kombëtare e Fluturimit nuk do të shërbejë vetëm për formimin e pilotëve shqiptarë, por do të mirëpresë edhe pilotë të rinj nga vendet aleate të NATO-s për trajnim dhe certifikim, duke përmendur Kosovën si një nga përfitueset e para të këtij bashkëpunimi.

Ai theksoi se institucioni i ri është ngritur sipas standardeve profesionale dhe gëzon mbështetjen e ekspertëve ndërkombëtarë, si edhe të specialistëve të Forcës Ajrore shqiptare.

Në fund të fjalës së tij, kryeministri u ndal edhe te sfidat e sezonit veror, duke nënvizuar se Forca Ajrore mbetet në gatishmëri për të përballuar situatat emergjente, veçanërisht zjarret, të cilat përbëjnë një nga rreziqet kryesore gjatë muajve të verës.