Gazetari Vehbi Kajtazi ka hedhur në diskutim emrin e Glauk Konjufcës si një prej figurave që mund të shqyrtohet për postin e presidentit të Kosovës.
Gjatë një prononcimi në emisionin “Kosova Today”, Kajtazi u shpreh se nuk përjashtohet mundësia që Konjufca të jetë një kandidat i mundshëm për kreun e shtetit, në një kohë kur partitë politike po diskutojnë për zgjedhjen e presidentit të ri.
Çështja e zgjedhjes së presidentit vijon të jetë një nga temat kryesore në skenën politike të Kosovës, ndërsa palët po zhvillojnë negociata për gjetjen e një dakordësie.
Megjithatë, deri në këtë moment nuk ka një konfirmim zyrtar se Glauk Konjufca do të jetë kandidat për president. Deklarata e Kajtazit mbetet një hipotezë e hedhur në diskutim në kuadër të zhvillimeve të fundit politike.