Grua rreth 78 vjeç gjendet e pajetë në plazhin e Durrësit, pritet ekspertiza mjekoligjore
Një tjetër ngjarje e rëndë është regjistruar mëngjesin e sotëm në Shqipëri. Pas ngjarjeve tragjike të raportuara në Lushnje dhe në një tjetër zonë të vendit, një grua e moshuar është gjetur pa shenja jete në plazhin e Durrësit.
Bëhet fjalë për një 78-vjeçare, identiteti i së cilës ende nuk është bërë i ditur. Po ashtu, nuk dihen ende rrethanat dhe shkaku i vdekjes.
Menjëherë pas konstatimit të ngjarjes, në vendin e ngjarjes ka mbërritur grupi hetimor, i cili ka nisur verifikimet. Trupi i të moshuarës është transportuar në Spitalin Rajonal të Durrësit, ku do t’i nënshtrohet ekspertizës mjekoligjore.
Sipas të dhënave paraprake, dyshohet se vdekja mund të ketë ardhur për shkaqe natyrale. Megjithatë, burime nga policia bëjnë me dije se është ende herët për të nxjerrë një përfundim përfundimtar, pasi pritet rezultati i ekspertizës.
Ndërkohë, pritet që Policia e Durrësit të japë një njoftim zyrtar për të sqaruar më tej rrethanat e ngjarjes dhe identitetin e viktimës.