Zërat për një krizë në raportin mes Mateos dhe Brikenës, ish-banorëve të “Big Brother VIP Albania 5”, po bëhen gjithnjë e më të forta në rrjetet sociale. Lëvizjet e fundit të dyshes kanë shtuar dyshimet se marrëdhënia e tyre mund të ketë kaluar një moment të vështirë.
Fillimisht, ndjekësit vunë re se Mateo dhe Brikena nuk ndiqen më në Instagram, ndërsa nga profilet e tyre janë fshirë edhe fotot e përbashkëta që më herët merrnin shumë reagime. Po ashtu, Brikena ka ndryshuar fotografinë e profilit, duke hequr imazhin ku shfaqej krah Mateos. Nga ana tjetër, Mateo vazhdon të mbajë ende një foto me të.
Ish-banori i BBVA5 ka reaguar vetëm në mënyrë indirekte përmes një Instastory nga Elbasani, ku shfaqet mes fëmijëve duke bërë shenjën e paqes me duar. Krahas postimit ai shkroi:
“Një ditë normale në Elbasan”.
Megjithatë, ajo që tërhoqi më shumë vëmendje ishte fakti se dora e tij e majtë nuk dukej qartë në foto, duke nxitur komente të shumta nëse ai vazhdon ende të mbajë unazën që konsiderohej simbol i lidhjes me Brikenën.
Deri tani, as Mateo dhe as Brikena nuk kanë reaguar publikisht për të sqaruar situatën, ndërsa fansat vijojnë të aludojnë për një ndarje të mundshme mes tyre.
Be First to Comment